تعنت الأهل ضد تعليمنا بسبب الكلية المختلطة

سلآم ،، أنآ بنية فثآنوية عآمة ،، من الفجيرة .. وطبعآ كل وحده تفكر وين بتروح عقب مآتخلص المدرسة .. أنآ وربيعآتي حطينآ فبآلنآ إنه نروح كلية الامآرات للتطوير التربوي .. وشدينآ حيلنآ فامتحآن السيبآ عسب ندخل هالكلية ،، ويوم يينآ نقنع أهلنآ تفآآآآجئنآ بأنهم رآفضين .. سألنآهم عن سبب الرفض قآلولنآ أنه الكلية مختلطة .. يعني بنآت وشبآب فمكآن وآآحد .. يعني مستحيل الأهل يوآفقون على هالشي ..

بآلذمة يعني بنآت الشمآل وين يروحون .. تقنية الفجيرة كأنهآ تقول للبنآت محد يقرب صوبي ،، مسويين 200 كرسي بس .. حق منو بتكفي هالكرآآسي !!! ،، واذآ قلنآ نبآ ندرس فجآمعة الأمارآت قآلولنآ ندرس فالتقنية ونييب الايلس والتوفل .. واذآ مآيبنآ الشهآدة نبقى ويآهم .. شو هالسآلفة بعد ,, يوم يينآ نحن حطو كل هالتغييرآت ><..

أتمنى إنه المسئولين يشوفولنآ حل ،، لأنه الصرآحه اذآ سآلفة ال 200 كرسي بتطول فتقنية الفجيرة ،،ومآ تغير النظآم المختلط فكلية الامآرات للتطوير التربوي .. بتشوفون معظم البنآت المتخرجآت من الثانوية هالسنة قآآآعدآت فالبيت ..
By: خلود

غير مصنف

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *