السلام عليكم ورحمه الله وبركاته
نحن ابناءكم خريجى كليات تربيه دفعات قديمه ببورسعيد نحن فى مأساه وقد ظلمنا منذ 14 سنه حينما وقف علينا التكليف وتعرضنا لظلم اكبر عندما قام السيد وكيل وزاره مديريه التربيه والتعليم السيد بسيونى بوضع مسابقه لقدامى الخريجين من 98-2006فى 23-7-2012يعنى منذ اكثر من عام و3 اشهر مشكلتى ومشكله اكثر من 1000 متقدم لمسابقه اتعملت لقدامى الخريجين واللى انا منهم من 98 -2006 بالاقدميه واللى سنى وسن كتير قدم فيها 39 سنه وبقالنا بالظبط سنه و3 اشهر مستنين النتيجه ونجرى من التنظيم والاداره والماليه واللف على الملفات فى جميع الادارات اللى قدمنا فيها ونزولنا اسبوعيا من مرتين لتلاته من يوم المسابقه ما قدمنا فيها دا غير رمضان الموظفين نفسهم مبقوش يروحم وده كان فى عهد الاخوان اللى زودوا ظلمنا واحنا اللى فرزنا الورق والملفات ورتبناهم فى كشوف وبقينا يوميا هناك لغايه الساعه 3 تحت اشراف لجنه ضحك علينا بيها ويجى بعد ما مشينا الاخوان وقلنا خلاص مشكلتنا اتحلت واللى نزلها المدعو سيد بسيونى هيطلع النتيجه بعد مل رجع موقعه من جديد قام صدمنا لما قال ان المسابقه اتلغت لان مفيش عجز طيب العجز اللى كان مطلوب راح فين يقولك اصل المسابقه…. اصل التوجيه معرفش ايه واصل الاخوان عملوا ايه وهدفه ينيمنا لغايه السنه ما تبدأ وكل واحد يتلهى فى حاله وعياله عايزه اعرف ازاى مسابقه تنزل على الموقع واسماء المتقدمين ينزل برده واحنا معانا وصولات ليها واوراق متعلقه بيها وترجع تتلغى ودوخنا وروحنا قابلنا المحافظ يقعد معاه يقول اعملكم ايه راجل وغلط نشنقه؟ مبقاش غير صوتنا يوصل لحضرتك لمعرفتنا انك تنصف المظلوم وتعيد له الحق المسابقه دى المطلوب فيه 441 مدرس واحنا روحنا سألنا الموجهين على العجز قالوا فعلا فيه بس نخاف نطلع ورق رسمى بكده ووالله فيه عجز واحنا متأكدين من ناس ثقه بالحصر وعملنا فاكسات لوزير التعليم وجه محقق بالفعل بس المشكله ان الوكيل طالع منها بمعنى انه مش عليه اى حاجه ملموسه ندينه بيها رجاءنا الوحيد هوه اظهار نتيجه المسابقه واعاده الحقوق لاصحابها للمسابقه بالاعداد المطلوبه يارب يكون حصولنا على حقوقنا على ايديكم باذن الله ومعانا كل الاوراق والمستندات المتعلقه بهذه المسابقه