انا اتخطبت عن حب ف الجامعه وكان بيجيلي عرسان كتير جدا وكنت دايما برفض وبعمل مشاكل كتير مع اهلي بحجة الدراسه علشان خطيبي كان زميلي وفات الزمن واتخطبنا وطبعا بعد الحاح علي بابا واتساهلوا معاه ف حاجات كتير علشان انا اللي عاوزاه وبعد كده اكتشفت انه قليل الدين يصلي فرض وعشره لأ وفي مشاكلنا سواء بسيطه او كبيره بيقولي الفاظ بشعه ماحدش يتخيلها ولما بيفيض بيا اوي بقول لبابا انه شتمني بس شتايم هوينه شويه مابقدرش اقول علي الحقيقه علشان مايقولوش ده اختيارك واقولهم عاوزه افشكل الخطوبه بيفضلوا يقولوا هاتفضحينا انتي الكبيره والناس كلها عرفت انكم كنتوا بتحبوا بعض واستحاله الخطوبه هاتتفركش وانا بجد مابقتش قادره اتخيل اكمل مع البني آدم ده واثقه انه عمره هيراعي ربنا فيا واقتنعت ان ربنا بيعاقبني علشان مابني عي باطل فهو باطل بجد مش عارفه اعمل ايه علشان اخلص من اللي انا فيه والله نفسي حل لمشكلتي وازاي اقنعهم اني انهي العلاقه دي والناس مش هاتنفعني بحاجه لما اطلق واعيش حياه مأساويه اكتر من اللي انا عايشاها ياريت تساعدوني وشكرا