السيد المحترم محافظ المنوفية كل عام وحضرتك بخير لن أطيل على سيادتكم الشكوى بإختصار شديد أن الكهرباء الخاصة بقرية كفر فيشا الكبرى – مركز منوف ضعيفة جدا تصل إلى 134, 150 فولت وهذا يؤثر على الأجهزة الكهربائية مثل الثلاجات أجهزة الكمبيوتر ونلجاءإلى شراء محولات رفع للجهد ولكن غير مجدية بالمرة وقدمنا شكوى سابقة لمسئولى الكهرباء فتم تغير المحول الخاص بالمنطقة التى اسكن فيها وهى طريق جحر الديبة ولكن كالعادة لم يتحسن الوضع إلااشهر قليلة فقط.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اما بخصوص مياة الرى ياسيادة المحافظ فإن المياة لا تأتى إلا فى نهاية الدور يوم واحد ولكن بعد ما المسئول ما يرضى علينا ولازم نراضية وسيادتكم فاهم لو إنتم عاوزين الناس تدفع فى كل مرة يروى فيها الأرض يدور الساعة بعشرة جنية وشوف هيأخذ كم ساعة ولكن لو كل صاحب غيط دفع عشرة جنية والمياة تجى فى الترعة الصبح إنتم عاوزين الناس تعمل إية نساعد بعض علشان البلد تكبر ولا كل واحد يتصرف بمعرفتة 0ــــــ
ـــــــــــــــــــــــــــــــــــــــــــــــــــــــــــــــــــــــ
برجاء ياسيادة المحافظ الإهتمام بمشاكل الناس البسطاء اللى عشرة جنية تفرق معاهم وحضرتك نزلت عندنا قبل كدة وعارف البلد ياريت نبنى أسس نمشى عليها الفترة اللى جاية والناس تحس إن فية تغير حصل فى البلد والمسئول ممكن ينزل لحد أصحاب الشكوى أو حتى عمدة البلد ويسئل عن أحوالها