السلام عليكم انا بستغيث بيكم انا جوزى خدوه ظلم فى قسم تانى مدينه نصر لانه امين شرطه لابس ملكى اتراخم عليه وهو واقف بيصلح سيارته فى مدينه نصرفحصل مشاجره بينهم واتلموا عليه ضربوه وخدوه على قسم شرطه تانى مدينه نصر ولفقولوا قضيه سرقه فرده كوتش الساعه واحده الظهر فى صلاه الجمعه فى شارع يوسف عباس بمدينه نصر امام جامع المصطفى انا بقول عن المكان حتى تعرفوا بصعوبه السرقه من هذا المكان وضربوه فى القسم وكهربوه بالصاعق الكهربى واجبروه يوقع على المحضر بالكهرباء والضرب وانا شفت اثار الضرب على وجهه مع العلم ان زوجى موظف بحى السيده زينب ويملك 2 سياره اجره وواحده ملاكى وبشهاده من اصدقائه بحسن سلوكه واخلاقه العليا
وقفلوا المحضر باقصى سرعه وبحق لااله الا الله انى شفت عسكرى خرج وفتح سياره زوجى واخد منها الكوريك ومفتاح لف العجل وخدوهم حرز مع فرده كوتش من عندهم ووبحق الواحد الاحد خرج واحد من القسم لابس ملكى لكنه يعمل داخل القسم قال لى ولاهله انتوا اهل سائق التكسى اللى اخذ بفرده كوتش اذهبوا الان اللى اى مكتب بريد وابعثوا رساله اللى النائب العام لانهم لفقوا له محضر كبير لكن للاسف كان يوم جمعه ومكاتب البريد اجازه
وعملوا محضر كبير وللاسف خلال 6 ايام كان اتحكم عليه ب شهر حبس
يعنى واحد مثله يعيش حياه كريمه وموظف بقاله 15 سنه هيضحى بكل ده علشان فرده كوتش
انا بستغيث بيكم لان الشرطه زى ما هى متغيرتش من فلول لاخوان نفس الظلم السائد فبستغيث بيكم علشان مستقبله الوظفى ومستقبل اولاده منتظره ردكم لان انتوا مش هترضوا بالظلم