best quality replica watches

مشكلة بخصوص الاصدقاء

السلام عليكم و رحمة الله و بركاته:
انا هقولكم على مشكلتى بس يارب ماكنش هاطول عليكم
انا عندى 2 صحاب صحباتى بقالهم 3 سنين بجد جدعين اوى اوى اوى و مفيش زيهم و وقفوا جنبى ف وقت كانت كل الناس بتتخلى عنى .. كانت اخلاقهم قبل اما اسافر كانت محترمة و كويسة و مكنوش بيكلموا ولاد و كدا ..انا سافرت بقى فترة طويلة شوية بتاعت سنة وكنت بكلمهم ع النت طبعا كتير وكدا ..رجعت من برة حسيت انهم متغيرين عليا اوى ..قلت مش مشكلة يمكن عشان بقالى كتير بعيدة عنهم .. بس المصيبة السودة انى لقتهم اخلاقهم وحشة جدا ..بقوا بيكلموا شباب كتير و يقابلوهم.. و سماع اغانى ليل نهار.. و يلبسوا ضيق ..و زيادة على كدا فى واحدة منهم بتحب واحد الايام دى .. ماشاء الله مرتبطة بيه على اول يوم ف رمضان .. حتى مفيش احترام للشهر الكريم .. و ارتبطت بيه من غير ماتقولى و قابلته من غير ماتقولى لانها عارفة انى مكنتش هاقببل و هازعل منها .. بس انا خت منها موقف شوية ورجعت كلمتها عشان مهنتش عليا .. دى بقى من اول ما ارتبطت بيه و هى اخلاقها ف النازل خصوصا انه انسان مش متدين و فرى اوى .. و مبقتش بتتصل بيا زى الاول على طول و لا تخرج معانا ابدا .. كل خرجاتهاه معاه .. و كمان بتكدب على مامتها و تقول انها نازلة تقابلنا و هى بتكون نازلة تاقبلوا هو و نجى نقولها بعدها مثلا احنا عايزنك تخرجى معانا تعود تتحجج باى حجة و تقول ماينفعش منا كنت لسا خارجة معاه امبارح و قايلة لماما انى نازلة معاكم انتم ف لو قلت لماما دلوقتى مش هترضى ..يا جماعة بجد تعبت ..مبحبش الحال المايل .. و زيادة ع كدا ان الموضوع الصلاة دة مش ف دماغهم و مش عارفين ربنا كويس ..و انا الحمد لله رب العالمين ربنا هدانى و بقيت عارفة ربنا كويس بس نفسى ف الصحبة الصالحة اللى تهدينى الى الهدى اكتر و اكتر و للاسف حاسة انى لوحدى .. وبجد نفسى ربنا يهديهم و يصلوا و يسيبوا الشباب و القرف دة .. انا خايفة عليهم اوووى من ربنا
و محدش يقولى منصحتهموش ليه .. انا نصحتهم كتير اوووى و كل مرة يستهذئوا بكلامى و ميعبرونيش لا وو كمان ايه بيزعلوا منى ..
انا مش عارفة اعمل ايه نفسى ربنا يهديهم و يتوبوا عن اللى هما فيه ..و خايفة تمشيتى معاهم دى تجبلى شبهة وحشة لان الصديق مرآة صديقه و فى نفس الوقت مش عارفة اقطع علاقتى بيهم و اسيبهم لانهم بجد ليهم مواقف جدعة اوى معايا و بحبهم اوى .. مش عارفة بجد اعمل ايه تعبت

Uncategorized

Leave a Reply

Your email address will not be published. Required fields are marked *