شوف فساد هيئة قناة السويس

شعب يحب الفضائح
أحدث فضيحة في تاريخ هيئة قناة السويس

صدق أو لا تصدق إن بعد ثورتين لشعب عظيم لكن لسه بعض المسئولين مش مؤمنين بالثورتين لان اللعب لسه شغال من تحت الطربيزه لصالح اللي يدفع اكتر طبعا الموضوع ده ممكن يكون موجود في أي مكان في مصر لكن في هيئة قناة السويس اهو هو ده اللي مش ممكن يكون متوقع خالص تعالوا نبدأ الحكاية ؟؟؟؟؟؟؟؟
تصدقوا إن في مناقصة بالمظاريف المغلقة خاصة بأندية هيئة قناة السويس ومن المفروض إن اللي متقدم لهذه المناقصة ثلاث شركات الأولى اسمها كير سيرفس والثانية اسمها ماكسي باور والتالتة اسمها القناة سيرفس والثلاث شركات طبعا قدموا المظاريف ( الفني والمالي) للجنة المشكلة من قبل هيئة قناة السويس وتم فتح المظروف الفني للثلاث شركات على أن يخطروهم بموعد فتح المظروف المالي بعد المظروف الفني بحوالي عشرة أو خمسة عشر يوما ومن المفروض طبعا حسب أصول المناقصات إن محدش من الشركات المتقدمة يعرف سعر التاني كام ولا حتى نسبة التامين الابتدائي ( 2%) كام و ده طبعا محدش يعرفه إلا بعد فتح المظروف المالي !!!!!!!!
الغريب والعجيب يا بهوات ان بعد ثورتين مجيدتين حصل إن أعضاء اللجنة الموقرة شافوا إن اقل سعر عرضته شركة القناة للاستثمار وبالتالي هتبقى المناقصة راسية على شركة القناة للاستثمار لكن عشان أعضاء اللجنة المحترمين عاوزه شركة بعنها اسمها كير سيرفس طبعا انتم عارفين ليه و علشان تتم اللعبة اللي اتلعبت من تحت الطربيزة اتفقوا أن يتم استبعاد شركة القناة للاستثمار بحجة المظروف الفني مش قوي وضعيف وبالتالي مبقاش أمامهم غير شركة كير سيرفس المرضي عنها وعليها العين والنية وشركة ماكسي باور
وبما أن شركة القناة سيرفس تأمينها الابتدائي 36.000 ألف جنية وشركة كيرسيرفس تأمينها 55.000 ألف جنية وشركة ماكسي باور تأمينها 59.000 ألف جنية وخليكم فكرين إني قلت أن من المفروض إن الأسعار دي سرية وسرية جداً وأنا بقول من دلوقتي إن أسعار المناقصة و التامين ال (2%) سري والمفروض انه بيتعرف عند فتح المظروف المالي اللي غالباً حددت هيئة قناة السويس ميعاده من 10 إلى 15 يوم يعني تقريبا مطلع شهر ابريل 2014 ؟؟؟؟؟؟ واليهم السيناريو اللي هيحصل !!!!!!!!
استبعاد شركة القناة سيرفس مع أنها اقل سعر مقدم يفضل شركتين الأولى شركة كيرسيرفس والشركة الثانية ماكسي باور وبما أن كيرسيرفس اقل من ماكسي باور ب 5.000 ألف جنية تبقى المناقصة ترسي على كيرسيرفس
وسلمنا على التظبيط
ملحوظة
شركة القناة سيرفس اللي يتم استبعادها بحجة المظروف الفني ضعيف مسند إليها عملية النظافة الخاصة بالمباني السكنية التابعة لهيئة قناة السويس

يعني كده اللجنة شغالة بمبدأ أبجني تجدني وظبطني اظبطك
يا عني عليكي يا مصر

One Response

  1. يقول صحفى:

    ارجو التواصل احمد صحفى ومعد برامج 01279458212
    ahmedalizenhom@gmail.com

    Reply

اترك رداً على صحفى إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *